Uqanda prezidenti Yoveri Museveni oğlu Muhoozi Kainerugabanı ölkənin silahlı qüvvələrinin baş komandanı təyin edib.
Ucnoqta.az xəbər verir ki, bu barədə “New Vision” portalı məlumat yayıb.
Kainerugaba əvvəllər ölkənin quru qoşunlarına rəhbərlik edib. 2022-ci ildə Keniya paytaxtını ələ keçirmək niyyətini elan etdikdən sonra işdən çıxarılıb. Daha sonra o, Prezidentin Xüsusi Əməliyyatlar üzrə müşaviri vəzifəsində çalışıb və eyni zamanda Uqanda Vətənpərvər Liqasının sədridir.
Əvvəlki Ali Baş Komandan general Vilson Mbasu Mbadi ticarət və kooperativlər naziri vəzifəsinə təyin edilib.