Pakistan Hərbi Hava Qüvvələri Əfqanıstanda yerləşən radikal Təhrik-i-Taliban Pakistan (Pakistan Taliban Hərəkatı, TTP) silahlılarının sığınacaqlarına və düşərgələrinə hava zərbələri endirib.
Ucnoqta.az xəbər verir ki, bu barədə “The Khorasan Diary” informasiya portalı məlumat yayıb.
Məlumata görə, hava zərbələrinin hədəfi Pakistan-Əfqanıstan sərhədi yaxınlığında yerləşən Ləman (Paktika əyaləti) və Paşa Mella (Xost əyaləti) yaşayış məntəqələri olub. Hərbi Hava Qüvvələrinin əməliyyatı martın 16-da TTP yaraqlılarının Pakistan Silahlı Qüvvələrinin Mir Əlidəki bazasına hücumu nəticəsində 7 əsgərin ölümünə cavab olaraq həyata keçirilib.