Maqadan vilayətinin Şimal Evenski rayonunda helikopter qəzaya uğrayıb.
Ucnoqta.az xəbər verir ki, bu barədə RİA Novosti məlumat yayıb.
Fövqəladə Hallar Nazirliyinin Baş İdarəsinin axtarış-xilasetmə qrupunun rəhbəri Pavel Kloçkov bildirib ki, artıq Fövqəladə Hallar Nazirliyinin və Kolıma Aviasiyasının xilasediciləri 3 helikopterlə hadisə yerinə gedib. Qəzaya uğrayan helikopter yaşayış məntəqələrindən uzaqda yerləşir, oraya uçmaq üçün təxminən altı saat vaxt lazımdır. İlkin məlumata görə, bir nəfər ölüb, iki nəfər yaralanıb.
İlkin məlumata görə, Mi-8 helikopterinin qəzaya uğramasının səbəbi mühərrikin nasazlığı ola bilər.