Liviya paytaxtının cənub ətraflarında, Tripoli hava limanı yaxınlığında silsilə partlayışlar nəticəsində böyük yanğın baş verib.
Ucnoqta.az xəbər verir ki, bu barədə “Əl Marsad” portalı məlumat yayıb.
Məlumata görə, yanğın Əl-Kərimiyyə bölgəsində elektrik quraşdırma şirkətinin binalarından birində başlayıb və sürətlə ətraf ərazilərə yayılmağa başlayıb. Artıq yanğın yağların və yanar materialların saxlandığı anbarlara da çatıb. Yanğın üç saatdır davam edir və yanğınsöndürənlər hələ də alova nəzarət edə bilmirlər. Həkimlər və xilasedicilər yanğının daha da yayılması təhlükəsi olan evlərin sakinlərini təcili olaraq təxliyə edirlər.
Əl Hadath telekanalı mənbələrə istinadən ən azı 4 nəfərin yaralandığını iddia edir, Liviya mediası isə hələlik bu məlumatı şərh etməyib.///tass