Bu gün UEFA Avropa Liqasında 1/8 finalının oyunlarına start verilir.
Ucnoqta.az xəbər verir ki, Azərbaycan təmsilçisi "Qarabağ" 1/8 finalın ilk oyunu çərçivəsində Bakıda Almaniya "Bayer 04"i qəbul edəcək. Tofiq Bəhramov adına Respublika stadionunda keçiriləcək oyun saat 21:45-də başlayacaq.
Matçı Fransadan olan hakimlər briqadası idarə edəcək.
Xatırladaq ki, komandalar arasında ilk oyun deyil. Avropa Liqasının qrup mərhələsində "Bayer"lə "Qarabağ" qarşılaşıblar. Hər iki oyunda "Bayer" "Qarabağ"a qalib gəlib (5:1, 1:0).
Qeyd edək ki, cavab matçı martın 14-də Almaniyada keçiriləcək.
7 mart
UEFA Avropa Liqası
1/8 finalın ilk oyunu
21:45. "Qarabağ" (Azərbaycan) - "Bayer" (Almaniya)
Hakimlər: Benoit Bastian, Hiçam Zakrani, Aurelien Bertomieu (Fransa)
Bakı. Tofiq Bəhramov adına Respublika stadionu