Qroznıda Rusiya prezidenti Vladimir Putinin adını daşıyacaq yeni rayon yaranacaq.
Ucnoqta.az xəbər verir ki, bu barədə Çeçenistan rəhbəri Ramzan Kadırov Telegram kanalında yazıb.
Kadırov bildirib ki, yeni rayon şəhərin mərkəzi hissəsində yaradılacaq. Genişmiqyaslı tikinti başa çatdıqdan sonra əraziyə Putinin adı veriləcək.
“Qroznı şəhərinin yeni rayonunun Vladimir Putinin şərəfinə adlandırılması qərarı çeçen xalqının dərin minnətdarlığı və onun adının əbədiləşdirilməsi istəyinin əlaməti kimi qəbul edilib”, - deyə respublika rəhbəri qeyd edib.
Siyasətçi əlavə edib ki, ərazi 200 hektardan çox ərazidə salınacaq. Burada 130 yaşayış binası ilə yanaşı, məscidlər, uşaq bağçaları və digər infrastruktur obyektləri tikiləcək.