“PSJ”nin hücumçusu Mbappenin anası “Real Madrid”ə güzəştə getmək istəmir
Ucnoqta.az “Marca”ya istinadən xəbər verir ki, Paris Saint-Germain və Fransa millisinin futbolçusu Kilian Mbappenin anası Faiza Lamari "Real Madrid" rəhbərliyi ilə münaqişəyə düşüb. Nəşrin məlumatına görə, forvardın agenti kimi fəaliyyət göstərən Lamari futbolçunun özünün buna hazır olmasına baxmayaraq, güzəştə getmək istəmir. Qeyd olunur ki, “Real” transferi yalnız öz şərtləri ilə təşkil etmək istəyir.
Fevralın 3-də “Le Parisien” 25 yaşlı fransız futbolçunun 2024-cü ilin yayında azad agent kimi “Real Madrid”ə keçəcəyini bildirib. Sonradan məlumat ortaya çıxdı ki, müqavilənin razılaşdırılmasında çətinliklər ucbatından sövdələşmə pozula bilər.