Xəbər verdiyimi kimi, bu gün Gəncə şəhərində VI sinif şagirdi Məmmədov Ağamir Azər oğlu intihar edib.
Modern.az-ın məlumatına görə, o Gəncə şəhər M.P.Vaqif adına 8 nömrəli tam orta məktəbin şagirdi olub.
Şagirdin niyə intihar etdiyi bilinmir. Faktla bağlı hüquq-mühafizə orqanları tərəfindən araşdırma aparılır. Yeniyetmənin təhsil aldığı məktəb bir müddət əvvəl ictimaiyyətin diqqətində idi.
Belə ki, yanvarın 23-də 8 nömrəli tam orta məktəbin qarşısında həmin məktəbin şagirdi olan Raul Rəhimov bıçaqla xəsarət yetirilərək öldürülüb. Onu qətlə yetirməkdə şübhəli bilinən Fərid Şabanov aparılan əməliyyat axtarış tədbirləri nəticəsində saxlanılaraq istintaqa təhvil verilib.
Qeyd edək ki, həmin məktəbdə daha əvvəl də bıçaqlanma hadisəsi baş vermişdi.
