Zaqatalada 2 məktəblinin öldüyü, digərinin xəsarət aldığı yol qəzasını törədən şəxs saxlanılıb.
DİN-in mətbuat xidmətindən Ucnoqta.az-a bildirilib ki, sürücülük hüququ olmadan avtomobil idarə edən şəxs törətdiyi ağır cinayət əməlinə görə polis əməkdaşları tərəfindən tutulub.
Cinayət işi üzrə istintaq hərəkətləri davam etdirilir.
14:49
Zaqatalada 3 məktəblini avtomobil vurub
Ucnoqta.az xəbər verir ki, fevralın 8-də Zaqatala rayonu Göyəm kənd tam orta məktəbinin 5-ci sinif şagirdləri olan İbrahimzadə İbrahim Əziz oğlu, İsayev Ramazan Babək oğlu və Permadov Kamal Elçin oğlunu dərs məşğələləri qurtardıqdan sonra evə qayıdarkən yolda avtomobil vurub.
Məktəblilərdən ikisi - İsayev Ramazan Babək oğlu və Permadov Kamal Elçin oğlu elə hadisə yerindəcə dünyasını dəyişiblər. İbrahimzadə İbrahim Əziz oğlu isə Zaqatala Rayon Mərkəzi Xəstəxanasının reanimasiya şöbəsinə yerləşdirilmişdir və vəziyyəti ağır olaraq qalır.
Şəki-Zaqatala Regional Təhsil İdarəsinin rəhbərliyi və kollektivi dünyasını dəyişmiş məktəblilərə Allahdan rəhmət və əzizlərinə səbr, xəsarət alan məktəbliyə isə şəfa diləyir.