Alper Gezeravcının kosmosdan geriyə dönüş üçün geri sayımı başlayıb...
Ucnoqta.az yerli mətbuata istinadən xəbər verir ki, Türkiyənin ilk astronavtı olan Gezeravcı stansiyada olduğu müddətdə 13 fərqli təcrübə həyata keçirib.
Aralarında Gezeravcının da olduğu Ax-3 komandası ilə bu gün Türkiyə vaxtı ilə saat 17.50-də vida mərasimi keçiriləcək. Mərasim Axiom Space-in sosial media hesablarında canlı yayımlanacaq.
Gezeravcı və komandasının sabah Türkiyə vaxtı ilə saat 14.00-da ISS-dən ayrılacağı gözlənilir. “TRT Haber” telekanalının məlumatına görə, Yerə geri dönüş 12 saat çəkəcək.
Sənaye və Texnologiya naziri Mehmet Fatih Kaçır, Türkiyənin ilk astronavtı Alper Gezeravcının da olduğu Axiom-3 heyəti üçün bu gün saat 17.50-də Beynəlxalq Kosmik Stansiyada vida mərasimi təşkil ediləcəyini açıqlayıb.
Planlaşdırılan enişin ABŞ-ın Florida ştatının şərqində Atlantik okeanında və qərbdə Meksika körfəzində yerləşən 7 potensial eniş nöqtəsindən birində həyata keçiriləcəyi gözlənilir.