2024-cü ilin fevral ayı üçün sağlamlığınıza ciddi zərər verə biləcək bir neçə maqnit qasırğası proqnozlaşdırılır.
Ucnoqta.az xəbər verir ki, fevral ayı üçün üç maqnit qasırğası gözlənilir.
Ayın ilk zəif maqnit qasırğası ayın əvvəlində - fevralın 4 və 5-də gözlənilir. Onun gücü 4 bala çatacaq. Sonra ayın ortasında - fevralın 17-dən 20-dək uzun və güclü maqnit qasırğası proqnozlaşdırılır. 17-də günəş aktivliyi zəif olacaq, sonra fevralın 18-də və 19-da orta səviyyəyə yüksələcək, fevralın 20-də isə yenidən azalacaq. Ayın sonuncu artan günəş aktivliyi fevralın 24 və 25-də olacaq. Ayın 24-də tufan orta, 25-də isə zəif keçəcək.
Maqnit qasırğası nədir?
Geomaqnit qasırğaları Yerin maqnit sahəsində günəş partlayışları nəticəsində yaranan pozuntulardır. Belə dalğalanmalar rabitə sistemlərinin işinə, eləcə də insan sağlamlığına mənfi təsir göstərə bilər. Fəaliyyətdə kiçik bir artım belə sağlamlığınıza təsir edə bilər.