Rusiyada mart ayında prezident seçkiləri keçiriləcək.
Rusiya Mərkəzi Seçki Komissiyası seçkidən az əvvəl müstəqil namizəd kimi seçkiyə qatılan Rusiya prezidenti Putinin namizədliyi təsdiqləndikdən sonra bu gün onun aktivləri haqqında məlumat dərc edilib.
Son altı ildə 67 milyon gəlir əldə edib
Rusiya Mərkəzi Seçki Komissiyasının yaydığı məlumata görə, Putinin Sankt-Peterburqda 78 kvadratmetrlik mənzili və həmin şəhərdə 18 kvadratmetrlik qarajı olduğu açıqlanıb.
Vladimir Putinin 1960-cı il GAZ M21, 1965-ci il GAZ M21 və 2009-cu il model Niva markalı avtomobillərinin olduğu qeyd edilib. Rusiya liderinin 10 müxtəlif bank hesabında 54,4 milyon rubl (təxminən 606 min dollar) olduğu qeyd edilib.
Sankt-Peterburq Bankında da 230 səhm sahibi olan Putinin 2018-ci ildə başlayan prezidentliyini əhatə edən son 6 ildə 67 milyon rubldan (təxminən 745 min dollar) çox qazandığı açıqlanıb.
Rusiya Mərkəzi Seçki Komissiyası Vladimir Putinin martda keçiriləcək prezident seçkilərində müstəqil namizəd kimi iştirak ərizəsini müzakirə edib. İclasın yekununda Putinin namizədliyi təsdiqlənib və 198 səlahiyyətli nümayəndə qeydə alınıb.