Fevral ayında sağlamlığa zərər verə biləcək bir neçə böyük maqnit qasırğası gözlənilir.
Geomaqnit qasırğaları Yerin maqnit sahəsində günəş partlayışları nəticəsində yaranan pozuntulardır. Belə dalğalanmalar rabitə sistemlərinin işinə, eləcə də insan sağlamlığına mənfi təsir göstərə bilər.
Ucnoqta.az xəbər verir ki, 2024-cü ilin fevral ayında üç maqnit qasırğası gözlənilir.
Ayın ilk zəif maqnit qasırğası fevralın 4 və 5-də gözlənilir. Onun gücü 4 bala çatacaq. Sonra ayın ortasında - fevralın 17-dən 20-dək uzun və güclü maqnit qasırğası proqnozlaşdırılır.
17-də günəş aktivliyi zəif olacaq, sonra fevralın 18-də və 19-da orta səviyyəyə yüksələcək, fevralın 20-də isə yenidən azalacaq.
Ayın sonuncu artan günəş aktivliyi fevralın 24 və 25-də olacaq. Ayın 24-də tufan orta, 25-də isə zəif keçəcək.
Geomaqnit qasırğaları elektrik şəbəkələri və insan sağlamlığı üçün nadir və təhlükəli hadisələrdir. Onlar artan günəş aktivliyi səbəbindən yaranır. Belə dövrlərdə meteohəssas insanlar özlərini daha pis hiss edə bilərlər, ona görə də təhlükəli tarixlər barədə əvvəlcədən məlumatlı olmalısınız.