Çexiyanın şimal-şərqində Karvina şəhəri yaxınlığında Dolni Lutını kəndi yaxınlığında sərnişin qatarı ilə yük maşınının toqquşması nəticəsində qatarın maşinisti həlak olub
Ucnoqta.az xəbər verir ki, bu barədə Çex Dəmir Yolları şirkətinin rəhbərliyi X sosial şəbəkəsində məlumat yayıb. İlkin məlumata görə, qatarın 16 sərnişini xəsarət alıb.
Bildirilir ki, qatarda ümumilikdə 35 sərnişin olub, onlardan 16-sı xəsarət alıb. Yanğınsöndürənlər bütün sərnişinləri vaqonlardan təxliyyə ediblər.