SLIM adlı ilk Yapon tədqiqat modulu Ayın səthinə enib.
Ucnoqta.az xəbər verir ki, bu barədə Yaponiya Aerokosmik Tədqiqatlar Agentliyi (JAXA) canlı yayım edib.
Enişin vəziyyəti hələlik məlum deyil, agentlik telemetriya məlumatlarını və digər parametrləri yoxlayır. JAXA tezliklə enişin uğurlu olub-olmadığını bildirməyi planlaşdırır.
Missiya uğurlu olarsa, Yaponiya modulunu Yerin təbii peykinə endirən dünyada beşinci ölkə olacaq. Əvvəllər Sovet İttifaqı, ABŞ, Çin və Hindistan buna nail olmuşdu.