İnqilabçı Mixail Frunzenin qızı Tatyana 103 yaşında vəfat edib.
Ucnoqta.az xəbər verir ki, bu barədə M.V.Frunze adına Şuya Tarix, İncəsənət və Xatirə Muzeyindən bildirilib.
Tatyana Frunze 1920-ci ildə anadan olub. O, eksperimental kimya üzrə aparıcı mütəxəssis olub. Tatyana Hərbi Kimya Akademiyasını bitirib və Böyük Vətən Müharibəsi illərində tank zavodunda işləyib. Bundan sonra o, Moskva Kimya Texnologiya İnstitutunu bitirib və namizədlik dissertasiyası müdafiə edib.
Sonradan Frunze Moskva Dövlət Universitetinin professoru və eksperimental kimya üzrə aparıcı mütəxəssislərdən biri olub. Bir neçə il SSRİ Elmlər Akademiyası Rəyasət Heyəti yanında Üzvi Kimya üzrə Ali Attestasiya Komissiyasının Ekspert Şurasının və Makromolekulyar Birləşmələr Şurasının üzvü olub.
Mixail Frunze vətəndaş müharibəsi illərində Qırmızı Ordunun əsas komandirlərindən biri olub.