Avstriyanın miqrasiya idarəsinin əməkdaşları Vozendorf şəhərində toya gələrək, Türkiyədə daha əvvəl hərbi xidmətdən qaçan bəyi deportasiya olunmaq üçün özləri ilə aparıblar.
Ucnoqta.az xəbər verir ki, bu barədə “Kurier” qəzeti yazıb.
Hadisə Türkiyədən olan 25 yaşlı Həmzə və onun alman əsilli nişanlısı Gündülə nikahlarını qeydiyyatdan keçirərkən baş verib.
"İşçi mərasim zamanı nəsə götürmək istədiyi üçün otağı tərk edib. Daha sonra on nəfərə yaxın kişi ilə qayıdıb", - gəlin deyib.
Həmin şəxslərin Miqrasiya və Qaçqınlar üzrə Federal İdarəsinin əməkdaşları olduğu üzə çıxıb. Onlar bəyi özləri ilə aparıblar, bundan sonra o, daha deportasiya olunmaq üçün nəzarətə götürülüb. Həmzə əvvəlcə işçilərə “evlənir” deyə onlarla gedə bilməyəcəyini desə də, gözləyə bilməyəcəklərini bildiriblər. Göz yaşlarına boğulan gəlin xəstəxanaya aparılmalı olub.
Qəzet izah edir ki, Həmzə ilə Gündülə il yarım əvvəl tanış olublar və ötən yay onlar evlənmək qərarına gəliblər. Həmzə əvvəllər Türkiyədə yaşayıb və hərbi xidmətdən qaçıb. 2022-ci ilin mart ayında kişi Avstriyadan sığınacaq üçün müraciət etdi, lakin toya 10 gün qalmış rədd edilib. Evlilik ona avtomatik olaraq yaşayış icazəsi və iş icazəsi verəcəkdi.