Ukrayna Silahlı Qüvvələri Azov dənizi üzərində Rusiyanın A-50 və İl-22 hərbi təyyarəsini vurub
Ucnoqta.az xəbər verir ki, yanvarın 14-ü axşam saatlarında ruslar A-50 erkən xəbərdarlıq və nəzarət təyyarəsini (AWACS) və İl-22 komanda-qərargah təyyarəsini itiriblər.
Hər iki hədəf Azov dənizi üzərində vurulub.
Bu barədə xalq deputatı, Milli Təhlükəsizlik, Müdafiə və Kəşfiyyat Komitəsinin sədr müavini Yuri Misyagin özünün Teleqram kanalında yazıb.
"A-50 vuruldu, İl-22 vuruldu, o, havada idi və ən yaxın aerodromuna çatmağa çalışırdı, lakin Kerç bölgəsində enməyə başlayandan sonra radarlardan itdi" - deputat bildirib.
Militarny xəbər verir ki, belə təyyarələrin itirilməsi Rusiya Hərbi-Sənaye Kompleksinin kompensasiya edə bilmədiyi Rusiya Aerokosmik Qüvvələrinə ağır zərbədir.
Təyyarənin məhv edilmə vasitələri məlum deyil, bu, yer-hava, hava-hava raketləri, anti-radar raketləri və ya qəza ola bilər.
Qeyd edək ki, A-50 AWACS təyyarəsi Ukraynaya kütləvi raket hücumları üçün müşahidəçi kimi işləyir.
Təyyarə kifayət qədər bahadır - ən azı 330 milyon dollar, təkmilləşdirilmiş versiyanın qiyməti isə 500 milyon dollara qədərdir.