İranın şimalında Əlborz əyalətində təlim təyyarəsinin qəzaya uğraması nəticəsində hər iki ekipaj üzvü həlak olub.
Ucnoqta.az xəbər verir ki, bu barədə İran Qızıl Aypara Cəmiyyətinin əyalət üzrə rəhbəri Məhəmməd Beyker Xələfi məlumat verib.
Məlumata görə, axtarış helikopterinin köməyi və doqquz axtarış-xilasetmə qrupunun səyi ilə Vaşkin kəndi yaxınlığındakı Sefidərək bölgəsində ölənlərin cəsədləri aşkar edilib.
O əlavə edib ki, "Piper PA-28" təlim təyyarəsi çərşənbə axşamı hava hərəkətinə nəzarət radarlarından itib.