Bakıda taksi fəaliyyəti ilə məşğul olan “Prius” sürücüsü narkokuryerlik etdiyi üçün saxlanılıb.
Ucnoqta.az DİN-ə istinadla xəbər verir ki, saxlanılan şəxs Bakı sakini, əvvəllər məhkum olunmuş, 1988-ci il təvəllüdlü Elçin Cəfərovdur.
Onun idarə etdiyi “Toyota Prius” markalı avtomobilə baxış zamanı 10 kq heroin aşkar olunaraq götürülüb.
Araşdırma zamanı E.Cəfərovun paytaxt ərazisində taksi xidməti adı altında narkotiklərin qanunsuz dövriyyəsini təşkil etdiyi məlum olub.
Bundan başqa, narkotiklərin qanunsuz dövriyyəsi ilə məşğul olan digər paytaxt sakini, 1984-cü il təvəllüdlü Ceyhun Abbasquliyev saxlanılıb. Bu şəxsdən 2 kq yaxın marixuana aşkar olunaraq götürülüb.
Faktlarla bağlı cinayət işləri başlanılıb.