Avstraliyada yerli sakinlər bir neçə çimərlikdə böyük paketlərdə kokain tapıblar.
Ucnoqta.az xəbər verir ki, bu barədə News.com.au məlumat yayıb.
Hadisə Yeni Cənubi Uelsdə baş verib. Axşam saat səkkiz radələrində yerli sakin qumun üzərində şübhəli əşya aşkar edib. Hadisə yerinə gələn polis müəyyən edib ki, tapılan iri bağlamada hər birinin çəkisi bir kiloqram olan 39 bağlama narkotik vasitə olub.
Bundan sonra başqa bir avstraliyalı Sidneyin şimal çimərlikləri yaxınlığında daha 39 bağlama tapıldığını bildirib. Digər oxşar yerlərdə daha bir neçə bağlama tapılıb.
Ümumilikdə 124 kiloqram kokain aşkar edilib. Bütün bağlamalar ekspertizaya göndərilib.
Hazırda hüquq-mühafizə orqanlarının əməkdaşları çimərliklərin digər paketlər üçün daranması da daxil olmaqla, bütün zəruri tədbirləri həyata keçirirlər.