İsrail Müdafiə Qüvvələri Qəzza zolağında radikal Fələstinin HƏMAS hərəkatı ilə döyüşlərdə daha üç əsgərini itirib.
Ucnoqta.az xəbər verir ki, bu barədə ordunun mətbuat xidməti məlumat yayıb.
Qəzza zolağının şimalında keçirilən əməliyyat zamanı çavuş Lavi Qazi, həmçinin leytenantlar Omri Şvarts və Yakov Elian həlak olub. Ən azı daha yeddi əsgər ağır yaralanıb.
İsrail ordusunun quru əməliyyatı başlayandan indiyədək 137 hərbiçi həlak olub. İsrail ordusunun ümumi itkiləri 469 nəfərə çatıb.