Son 24 saat ərzində Tayvan yaxınlığında iki Çin şarı Tayvan boğazının orta xəttini keçdi.
Ucnoqta.az xəbər verir ki, bu barədə adanın müdafiə departamenti məlumat yayıb.
Məlumata görə, onlardan birincisi bazar günü yerli vaxtla saat 09:03-də, ikincisi isə saat 14:43-də görüntülənib. Onlar Tayvanın şimalındakı Keelunq şəhərindən 110 dəniz mili (203,7 km) şimal-qərbdə Tayvan boğazının orta xəttini keçdilər.
Tayvan müdafiə departamentinin məlumatına görə, şarlar təxminən 8,2 km yüksəklikdə olub. Onlar şərqə davam etdilər və sonra yox olublar. Tayvan ordusu da dekabrın 8-də adanın yaxınlığında ÇXR-dən hava şarının görünməsi barədə məlumat verib.
Bundan əlavə, son 24 saat ərzində Tayvan ordusu altı təyyarə və iki gəmi aşkarlayıblar.