Aİ-nin Rusiyaya qarşı sanksiyalarının 12-ci paketi brilyant və mirvaridən hazırlanmış zinət əşyalarına təsir edəcək.
Ucnoqta.az xəbər verir ki, bu barədə EUobserver portalı məlumat yayıb.
Məlumata görə, Aİ sənədində Rusiya almazlarına təklif edilən irimiqyaslı qadağanın təfərrüatı var. Portal yazır ki, Avropa İttifaqı “qeyri-sənaye” və “sintetik” brilyantlar kimi, “qeyri-sabit” almazları da qadağan edəcək. Siyahıya həmçinin istənilən “zərgərlik”, “təbii və mədəni mirvari əşyalar”, brilyantlarla bəzədilmiş qızıl və gümüş əşyalar daxildir. EUObserver vurğulayır ki, qadağa hətta “qol saatlarına, cib saatlarına və digər saatlara, o cümlədən brilyantlarla bəzədilmiş saniyəölçənlərə” şamil ediləcək.