Tokioda havanın temperaturu 27,5 dərəcəyə qədər istiləşib - noyabr ayı üçün bu, son 100 ildə ən yüksək göstəricidir.
Ucnoqta.az xəbər verir ki, bu barədə Yaponiya Milli Meteorologiya İdarəsi məlumat yayıb.
Yaponiya paytaxtında sonuncu dəfə belə isti hava 1923-cü ildə qeydə alınıb. Maraqlıdır ki, yaya bənzər isti hava Yaponiyanın əksər bölgələrində müşahidə olunub.
Yapon meteoroloqları qeyd edirlər ki, yaxın günlərdə havanın temperaturu tədricən enəcək.