Bazar ertəsi əlaqə şəbəkəsində baş verən qəza Litva dəmir yollarının işini iflic edib, dayanmış elektrik qatarları teplovozlarla əvəz edilməli olub.
Ucnoqta.az xəbər verir ki, bu barədə Litva Dəmir Yolları dövlət müəssisəsi məlumat yayıb.
"Vilnüs-Kaunas xəttində baş verən qəzaya görə qatarların hərəkəti bir neçə saatlıq dayandırılmalı olub. Dayanmış qatarlarda gedən sərnişinlər avtobusla təyinat yerlərinə aparılıb" - Dəmiryol departamentinin sözçüsü Kotrina Dzikaraite jurnalistlərə deyib.
Mütəxəssislərin fikrincə, əlaqə şəbəkəsi bir günə bərpa olunacaq.///tass