Avqustun 24-də “İnter Mayami” ABŞ Açıq Kubokunun yarımfinalında “Cincinnati”ni məğlub edib. Əsas vaxt 3:3 (penaltilər seriyası 5:4) hesabı ilə başa çatıb.
Ucnoqta.az xəbər verir ki, “İnter Mayami”nin heyətində Leonardo Kampana dubla, Josef Martinez isə daha bir qola imza atıb. “İnter”in bu oyundakı əsas ulduzu Lionel Messi ABŞ-da olduğu müddətdə (7 matç) ilk dəfə meydandan qol vura bilməyib. Bununla belə, argentinalı iki məhsuldar ötürmə edib.
Turnirin finalında "İnter Mayami" "Hyuston Dinamo" - "Real Solt Leyk" cütünün qalibi ilə qarşılaşacaq.
"İnter Mayami"də səkkiz oyundan sonra Messinin aktivində 10 qol və üç məhsuldar ötürmə var.