Hindistan və Çin Rusiya və Səudiyyə Ərəbistanından daha az neft almağa başlayıb.
Ucnoqta.az xəbər verir ki, bu barədə “Prime” agentliyi sənaye mənbələrinin məlumatlarına və tankerlərin daşınması statistikasına istinadən xəbər verir.
Səudiyyə Ərəbistanından neft idxalı da son iki il yarımın ən aşağı səviyyəsinə düşüb. Bu, OPEC+ sazişi çərçivəsində hasilatın azalması fonunda baş verib.
Səbəblər qiymət artımı, həmçinin bu ölkələrin istehsalı və ixracını azaltmasıdır.
İyulda Hindistanın ümumi neft idxalı iyun ayı ilə müqayisədə 5,2% azalaraq gündəlik 4,4 milyon barrelə düşüb. Bəzi neft emalı zavodları təmir üçün müvəqqəti olaraq bağlanıb.
Rusiyadan tədarüklər 5,7% azalaraq sutkada 1,85 milyon barelə düşüb. Səudiyyə Ərəbistanından - 26%, gündəlik 470 min barrelə qədər.
Eyni zamanda, Rusiya Hindistanın əsas neft tədarükçüsü olaraq qalır. Ondan sonra İraq və Səudiyyə Ərəbistanı gəlir.
Ümumilikdə aprel-iyul aylarında OPEK-in Hindistanın idxalında payı son 22 ilin ən aşağı göstəricisi olub. Lakin iyul ayında İraq, Birləşmiş Ərəb Əmirlikləri və Nigeriyadan gələn tədarüklərin artması səbəbindən yüksəlib.
