Niderland sahillərində artıq beşinci gündür ki, göyərtəsində "Mercedes", "Bentley" və "Ferrari"nin olduğu gəmi yanır. Gəmidə ümumilikdə 2800 avtomobil var.
Ucnoqta.az xəbər verir ki, 3000-ə yaxın avtomobili daşıyan gəmidə yanğın elektrik avtomobilindən başlayıb. Yanğın nəticəsində bir ekipaj üzvü həlak olub, qalan 22 nəfər isə yüngül xəsarət alıb. Sahil mühafizəsi çərşənbə günü, iyulun 26-da səhər saatlarında bildirib ki, hadisə Niderlandın Vadden dənizindəki Ameland adası yaxınlığında baş verib. Yanğın davam edir.
Panamada qeydiyyatdan keçmiş Fremantle gəmisi Bremerhavendən Port Səidə gedərkən Amelanddan 27 kilometr şimalda alovlanıb. Yanğına səbəb elektriklə işləyən avtomobilin alışması olub.