Şimal dənizində yük gəmisində baş verən yanğın nəticəsində bir nəfər ölüb, bir neçə nəfər yaralanıb.
Ucnoqta.az xəbər verir ki, bu barədə Niderlandın Sahil Mühafizəsi məlumat yayıb. Məlumata görə, ekipaj üzvləri helikopterlər və xilasedici qayıqlarla təxliyə edilib.
Bildirilir ki, yanğın göyərtəsində 23 sərnişinin olduğu Fremantle Highway gəmisində baş verib. Helikopter və xilasedici qayıqlardan istifadə etməklə gəmidəki insanların təxliyyəsinin həyata keçirilib. Yaralılar xəstəxanaya çatdırılıb.
Təxminən 3 min avtomobilin olduğu "Fremantle" gəmisi Almaniyadan Misirə doğru gedirdi. İlkin məlumata görə, yanğın gəminin daşıdığı 25 elektrik avtomobilindən birində başlayıb.