Şəmkirdə yol nəqliyyat hadisəsi baş verib.
APA-nın məlumatına görə, hadisə rayonun Sabirkənd kəndində qeydə alınıb.
Hərəkətdə olan avtomobil yoldan çıxaraq aşıb. Qəza zamanı avtomobildə olan 4 nəfər xəsarət alaraq xəstəxanaya yerləşdirilib.
Yaralılar rayonun İrmaşlı kənd sakinləri 2004-cü il təvəllüdlü Kamran Abbasov, 2003-cü il təvəllüdlü İmran Qasımov, 2005-ci il təvəllüdlü Elmir Həsənov və 2001-ci il təvəllüdlü İsa Əmirxanovdur.
Onların vəziyyətinin kafi olduğu bildirilir.
Faktla bağlı araşdırma aparılır.