Bakıda piyadanın ölümü ilə nəticələnən yol qəzası baş verib.
Ucnoqta.az “Qafqazinfo”ya istinadən xəbər verir ki, E.Seyidov idarə etdiyi və “AmburanİK” MMC-yə məxsus olan yük maşını ilə Heydər Əliyev prospektində - metronun “Koroğlu” stansiyasının yaxınlığında piyadanı vurub. Ağır xəsarət alan şəxs hadisə yerində ölüb.
İlkin araşdırmalar zamanı ölən şəxsin 1973-cü il təvəllüdlü Turan Manafov olması müəyyən edilib.
Faktla bağlı Nizami RPİ-də cinayət işi başlanıb.