Bakının Yasamal rayonunda yol qəzası baş verib.
APA xəbər verir ki, hadisə Abbas Mirzə Şərifzadə küçəsində qeydə alınıb.
Belə ki, sürücü idarə etdiyi “Opel” markalı maşınla sükana nəzarəti itirib. Nəticədə nəqliyyat vasitəsi avtomobil detallarının satışı mağazasına çırpılıb.
Maşın deformasiyaya uğrayıb, sürücü xəsarət alıb.
Mağaza sahibi ona 20 min manat zərər dəydiyini bildirib.
Qəzanın dəqiq baş vermə səbəbləri mağazanın müşahidə kamerasına baxıldıqdan sonra bilinəcək.
Əraziyə Yasamal Rayon Polis İdarəsinin əməkdaşları cəlb edilib.
Fakt araşdırılır.