Pakistan Nazirlər Kabineti qarşıdan gələn cümə gününü İsveçdə müsəlmanların müqəddəs Qurani-Kərimin təhqir olunmasına etiraz günü elan edib.
Ucnoqta.az xəbər verir ki, bu barədə çərşənbə günü Daily Pakistan qəzeti məlumat yayıb.
İyulun 7-də ölkə ərazisində islamafobiyanı pisləyən aksiyalar keçiriləcək. Pakistan hökumətinin başçısı Şahbaz Şərif bütün siyasi partiyaları onlarda iştirak etməyə çağırıb. Baş nazir hökumətin iclasında deyib:
"Sülh və birgəyaşayış tərəfdarı olan bütün ölkələr və onların liderləri islamafobiya və dini qərəzlə yoluxmuş şər qüvvələri özlərində saxlamalıdırlar. Dinə, inanclara və mənəvi ideologiyalara qarşı yönəlmiş fikirlər sülhün düşmənidir."
Şərif bildirib ki, İsveçdə Quranın təhqir olunması ilə bağlı milli strategiyanın hazırlanması üçün cümə axşamı Pakistan parlamentinin yuxarı və aşağı palatalarının birgə iclası keçiriləcək.///tass