İsrail təhlükəsizlik qüvvələrinin İordan çayının İordan çayının qərb sahilindəki Cenin şəhərində terrora qarşı mübarizə apardığı genişmiqyaslı əməliyyat İsrail vətəndaşlarına sülh və təhlükəsizliyin bərqərar olması üçün “lazım olduğu qədər” davam edəcək.
Ucnoqta.az xəbər verir ki, bu bəyanatla İsrailin baş naziri Benyamin Netanyahu Müdafiə Nazirliyi, Baş Təhlükəsizlik Xidməti və İsrail ordusunun Baş Qərargahının rəhbərləri ilə birgə əməliyyat müşavirəsinin sonunda bildirib.
"İsrail vətəndaşlarına sülh və təhlükəsizliyin bərqərar edilməsi üçün lazım olan müddətdə əməliyyatı davam etdirəcəyik. Son aylarda Cenin terrorçular üçün təhlükəsiz sığınacaq halına gəldi və biz buna son qoyacağıq" - Netanyahu əlavə edib.
İsrail təhlükəsizlik qüvvələri bazar ertəsi gecə Cenin və ona bitişik Fələstin qaçqın düşərgəsində genişmiqyaslı əməliyyata başlayıb.