Almaniya Prezidenti Frank-Valter Ştaynmayer bu gün Qırğız Respublikasına rəsmi səfərə gəlib.
Ucnoqta.az xəbər verir ki, bu barədə Deutsche Welle-nin Rusiya xidməti məlumat yayıb. Prezident sarayında onu Qırğızıstan Prezidenti Sadır Japarov hərbi təltiflə qarşılayıb.
Bişkekə gəldikdən sonra Ştaynmayer bildirib ki, Qırğızıstana səfərinin böyük hissəsi, ehtimal ki, Rusiyanın Ukraynaya qarşı hərbi əməliyyatları və onların Mərkəzi Asiya və Avropa ölkələri, o cümlədən Almaniya üçün nəticələrini müzakirə etməyə həsr olunacaq.
Ştaynmayer xatırladıb ki, Almaniya Qırğızıstanın müstəqilliyini ilk tanıyanlardan biri olub. Bu, Frank-Valter Ştaynmayerin Qırğızıstana üçüncü səfəridir.