Ərdoğan və Zelenski telefonla Kaxovskaya su elektrik stansiyası ətrafındakı vəziyyəti və taxıl müqaviləsini müzakirə ediblər
Ucnoqta.az xəbər verir ki, Türkiyə liderinin ofisi məlumat yayıb. Məlumata görə, Türkiyə prezidenti Rəcəb Tayyib Ərdoğan Ukrayna prezidenti Volodimir Zelenski ilə telefonda Kaxovskaya SES-in bəndi ətrafındakı vəziyyəti və taxıl sövdələşməsini müzakirə ediblər.
O, Kaxovskaya su elektrik stansiyasının bəndində baş verənləri araşdırmaq üçün BMT, Rusiya, Ukrayna və Türkiyənin iştirakı ilə komissiya yaradılmasını təklif edib.
“Prezident Ərdoğan deyib ki, Kaxovskaya su elektrik bəndində baş vermiş partlayışla bağlı hərtərəfli araşdırma aparmaq üçün müharibə edən tərəflər, BMT və beynəlxalq ictimaiyyətin ekspertlərinin iştirakı ilə komissiya yaradıla bilər" - ofisin açıqlamasında deyilir.