Rusiya və İran dəmir yolu tikintisinə dair saziş imzalayıblar
Ucnoqta.az xəbər verir ki, sazişi çərşənbə günü iki ölkənin nümayəndələri - Rusiya Federasiyasının nəqliyyat naziri Vitali Savelyev və İranın yol və şəhərsalma naziri Mehrdad Bəzrpaş imzalayıblar.
İranın Rəşt-Astara dəmir yolu hissəsi Rusiya ilə birgə tikiləcək.
Mərasimdə prezidentlər Vladimir Putin və İbrahim Rəisi, Putin isə videobağlantı vasitəsilə iştirak edib. Mərasimə Rusiya tərəfdən İranda işgüzar səfərdə olan baş nazirin müavini Aleksandr Novak da qatılıb.
Rəşt-Astara xəttinin uzunluğu 170 km olacaq. Şimal-Cənub beynəlxalq nəqliyyat dəhlizinin quru hissələrini birləşdirmək lazımdır ki, bu da transxəzər marşrutunun iqtisadi səmərəliliyini artıracaq. Ehtimal olunur ki, Rəşt - Astara xətti Moskva və Tehranın, Astara (İran) - Astara (Azərbaycan) xətti isə Moskva, Tehran və Bakının iştirakı ilə tikiləcək.