Ölənlər arasında 11 polis də var
Ucnoqta.az xəbər verir ki, bu barədə çərşənbə günü The Express Tribune məlumat yayıb. Məlumata görə, Pakistanın şimal-qərbində polis məntəqəsində törədilən partlayışlar nəticəsində ölənlərin sayı 18-ə çatıb, azı 50 nəfər yaralanıb.
Ölənlər arasında 11 polis əməkdaşı, beş məhbus və iki mülki şəxs var.
Bundan əvvəl 12 nəfərin öldüyü, 57 nəfərin yaralandığı barədə məlumat daxil olub. Hüquq-mühafizə orqanlarının məlumatına görə, bazar ertəsi silahlı ekstremistlər Kabal rayonunda Terrorla Mübarizə Departamentinin polis bölməsinə hücum ediblər. Hüquq-mühafizə orqanlarının əməkdaşları ilə atışma zamanı kamikadze partlayış törədib və bir neçə saniyə sonra polis binasında saxlanılan sursat partlayıb.
İki partlayış nəticəsində hadisə yerindən 2 km radiusda evlərə ziyan dəyib. Polis binası uçub.
