ABŞ Silahlı Qüvvələrinin Mərkəzi Komandanlığı hücumların planlaşdırılmasına cavabdeh olan İŞİD ekstremist qruplaşmasının Suriya liderlərindən birinin məhv edilməsinin mümkünlüyünü açıqlayıb.
Ucnoqta.az xarici mətbuata istinadən xəbər verir ki, komandanlığın Twitter səhifəsində yerləşdirilən mətnə görə, ABŞ qüvvələri aprelin 17-də Suriyanın şimalında “Yaxın Şərq və Avropada terror hücumlarının planlaşdırılmasına cavabdeh olan” İD liderini hədəfə alaraq helikopter reydi həyata keçirib.
Əməliyyat zamanı daha iki silahlının öldürüldüyü də qeyd edilir.
Komandanlığın məlumatına görə, ABŞ hərbçiləri və mülki şəxslər arasında itki yoxdur.