New York Times (NYT) doğrulama işarəsi üçün ödəniş etməkdən imtina etdikdən sonra Twitter-də mavi işarəsini itirib.
Ucnoqta.az xəbər verir ki, bu barədə Bloomberg məlumat yayıb.
NYT, əvvəllər pulsuz olan doğrulama işarəsinə sahib olmaq imtiyazına görə ayda 8 dollar ödəməyi təklif edən Twitter Blue-nun yeni abunə təklifinə açıq şəkildə qarşı çıxan ilk media orqanlarından biri idi. Qəzetin əsas Twitter hesabının 55 milyona yaxın izləyicisi var.
“Twitter”in rəhbəri İlon Mask NYT-nin qərarını “riyakarlıq” adlandıraraq, qəzetin hər yerdə reklam etməkdən çəkinmədiyi öz abunə xidmətinin olduğunu qeyd edib.
Qeyd edək ki, Twitter 2023-cü il aprelin 1-dən ödənişli Twitter Blue proqramına qoşulmaq istəməyən istifadəçilərdən mavi yoxlama işarələrini siləcək.