NATO-nun baş katibi Yens Stoltenberq Türkiyə parlamentinin Finlandiyanın alyansa daxil olması ilə bağlı protokolu ratifikasiya etmək qərarını alqışlayıb.
Ucnoqta.az xəbər verir ki, bu barədə Stoltenberq Twitter hesabında yazıb:
“Finlandiyanın üzvlük üçün ratifikasiya prosesini tamamlayan Türkiyə Böyük Millət Məclisinin səsverməsini alqışlayıram”.
NATO-nun baş katibi həmçinin qeyd edib ki, Finlandiyanın qoşulması alyansı “daha güclü və təhlükəsiz” edəcək.
Bundan əvvəl Türkiyə Böyük Millət Məclisi Finlandiyanın NATO-ya daxil olması ilə bağlı protokolun ratifikasiyası haqqında qanun layihəsini təsdiqləyib. TBMM-nin bütün 276 iştirakçısı bu qərarı dəstəkləyib.