Haaqa Beynəlxalq Cinayət Məhkəməsi Rusiya prezidenti Vladimir Putinin, eləcə də uşaq hüquqları üzrə komissarı Mariya Lvova-Belovanın həbsi üçün beynəlxalq orderlər verib.
Ucnoqta.az xəbər verir ki, bu barədə BBC məlumat yayıb.
“Bu gün, 17 mart 2023-cü il tarixində Beynəlxalq Cinayət Məhkəməsinin İkinci Məhkəməyə qədərki Palatası Ukraynadakı vəziyyət kontekstində iki nəfərin həbsinə order verib: cənab Vladimir Vladimiroviç Putin və xanım Mariya Alekseevna Lvova-Belova”,- məlumatda deyilir.
Həbs qərarı vermək bacarığı BCM-nin ən ciddi “silahlarından” biridir.
Belə bir qərar qeyri-müəyyən müddətə qüvvədədir və istənilən şəxsə, o cümlədən dövlət başçısına şamil edilə bilər.
Lakin Beynəlxalq Cinayət Məhkəməsi qiyabi hökm çıxarmır. Bu o deməkdir ki, mühakimə olunmaq üçün müttəhim Haaqada fiziki həbs edilməlidir.