Beynəlxalq Atom Enerjisi Agentliyinin (MAQATE) baş direktoru Rafael Qrossi tezliklə İrana səfər edəcək.
Ucnoqta.az xəbər verir ki, bu barədə İranın Atom Enerjisi Təşkilatının rəsmi nümayəndəsi Behruz Kamalvəndi məlumat verib.
“MAQATE-nin baş direktoru Atom Enerjisi Təşkilatının rəhbərinin rəsmi dəvəti ilə yaxın günlərdə İrana səfər edəcək”, - məlumatda bildirilir.
Kamalvəndi onu da bildirib ki, ötən həftə MAQATE-nin yoxlamaları zamanı tərəflər məhsuldar danışıqlar aparıblar.