Aylarla davam edən axtarışlardan sonra müğənni Cennifer Lopez və aktyor Ben Afflek yeni ev seçiblər.
Ucnoqta.az xarici mətbuata istinadən xəbər verir ki, cütlük Kaliforniyada malikanə almaq üçün müqaviləni yekunlaşdırmaq mərhələsindədir.
Malikanə Los-Ancelesin Pacific Palisades bölgəsində yerləşir. Evin dəyəri 34,5 milyon dollardır.
Afflek və Lopez fevralın 12-də uşaqları ilə birlikdə evə baş çəkiblər.
Yaşayış sahəsi 1,4 min kvadratmetrdir, içəridə yeddi yataq otağı və 13 vanna otağı var. Malikanədə altı avtomobil üçün qaraj və ayrıca qonaq kotteci də var. Həmçinin, hovuz, isti vanna, ev kinoteatrı, açıq mətbəx, çoxsaylı kaminlər, şərab zirzəmisi və idman zalı daxildir.
Ruhəngiz