Bakıda məşhur restoranda göyərçinlərə atəş açıldı

12:24 - 9 Fevral 2023 - HADİSƏ

Baki şəhəri, Bayıl qəsəbəsində yerləşən “Glazed” restoranının əməkdaşlarının ərazidəki quşlara atəş açması ilə bağlı polisə müraciət edilib.

“Qafqazinfo”nun əldə etdiyi məlumata görə, A.Nəsirov küçəsində yaşayan L.Mixaylovna polisə zəng edərək evinin yaxınlığındakı restoranda çalışan şəxslərin ətrafdakı göyərçinlərə atəş açdığını deyib. Bundan sonra əraziyə polis əməkdaşları gəlib və restorana baxış keçirilib.

Baxış zamanı restoranın sahibi, 1978-ci il təvəllüdlü Dilsuz Əliyevə məxsus “Kral Air Rifle Kal” markalı tüfəng aşkar edilib. Atəş açan şəxsin restoranın inzibatçısı, 1990-cı il təvəllüdlü Cəlil Rəhimov olması müəyyən edilib.

Onlar silahın istifadəyə yararsız tir tüfəngi olduğunu bildiriblər.

Faktla bağlı araşdırma aparılır.

Xəbər xətti