Telekommunikasiya nəhəngi NTT Docomo, Keio Universiteti və Naqoya Texnologiya İnstitutunun yapon tədqiqatçıları əl toxunuşu ilə hisləri paylaşmağa imkan verən yeni texnologiya hazırlayıblar.
Ucnoqta.az xəbər verir ki, bu barədə NHK telekanalı məlumat yayıb. Onların sözlərinə görə, bu, dünyada ilk belə sistemdir.
Qeyd olunur ki, bu sistem əli obyektə toxunduqda insanın hiss etdiyi çox az nəzərə çarpan vibrasiya tezliyini ölçmək üçün sensorlardan istifadə edir.
Alınan məlumatlar daha sonra cihazın bu vibrasiyasını başqa bir şəxsin əlində təkrarlamaq üçün istifadə edilə bilər.
Tədqiqatçılar deyirlər ki, sistem ənənəvi əl işləri kimi toxunma bacarıqlarını öyrətməyə və saxlamağa kömək edə bilər.
Texnologiya həm də onlayn pərakəndə satışa yol tapa bilər ki, bu da paltar alan istehlakçılara satın almadan əvvəl “materiala toxunmağa” imkan verir.
Emin
