Gürcüstanın keçmiş prezidenti Mixail Saakaşvili Gürcüstanda siyasi fəaliyyətlə məşğul olmaq istəmədiyini açıqlayıb.
Ucnoqta.az xəbər verir ki, siyasətçinin bu barədə yazdığı məktubu müxalif “Vahid Milli Hərəkat” partiyasının rəhbəri Levan Xabeişvilinin “Facebook” sosial şəbəkəsində paylaşıb.
Məktubda deyilir:
“Mən Gürcüstanda hər hansı siyasi fəaliyyətlə məşğul olmaq fikrində deyiləm, lakin sizi Ukraynadan və başqa yerlərdən həmişə dəstəkləyəcəyəm”.
Saakaşvili Xabeişvilini vəzifəyə seçilməsi münasibətilə təbrik edib. Onun sözlərinə görə, o, böyük potensiala malik siyasətçidir.
Qeyd edək ki, yanvarın 31-də Saakaşvilinin reanimasiyaya köçürülməsi ilə bağlı məlumat yayılıb. Gürcüstanın keçmiş liderinin vəziyyətinin “kritik həddə” olduğu bildirilib.