Yeni növ koronavirus (COVID-19) infeksiyasına yoluxan Gürcüstanın sabiq prezidenti Mixail Saakaşvilinin vəziyyəti stabildir və xəstəliyi yüngül keçirir.
Ucnoqta.az xəbər verir ki, bu barədə Saakaşvilinin müalicə aldığı “Vivamedi” klinikasının direktoru Zurab Çxeidze jurnalistlərə açıqlamasında bildirib. Çxeidze qeyd edib ki, yoluxmanın təsdiqlənməsindən dərhal sonra müxtəlif sahələr üzrə həkimlərdən ibarət şura çağırılıb və həkimlərin qərarına əsasən Saakaşvili müalicə aldığı palatada saxlanılıb. O, yoluxmanın mənbəyinin araşdırıldığını qeyd edib.
Saakaşvilini ziyarət edən anası Giuli Alasaniya isə deyib: "O, təbii olaraq zəifdir. Müşahidəyə əsasən, üç gündür oğlum Covidə yoluxub, lakin başqa ciddi xəstəlikləri və intoksikasiyası davam edir. Hazırda onun hemoglobini və dəmir çatışmazlığı var və bu da tez-tez huşunu itirməsinə səbəb olur".
İnfeksiyanın mənbəyinə gəlincə, Mixail Saakaşvilinin virusu kimdən aldığı hələlik məlum deyil və “Vivamed” klinikasında epidemioloji araşdırmalar aparılır.
Pünhan