Gürcüstan Ermənistana yeni səfir təyin etdi

12:34 - 25 Yanvar 2023 - DÜNYA

İvane Cavaxişvili adına Tbilisi Dövlət Universitetinin (TDU) keçmiş rektoru Giorgi Şarvaşidze Gürcüstanın Ermənistandakı səfiri təyin edilib.

Ucnoqta.az xəbər verir ki, bu barədə Gürcüstan hökumətinin mətbuat xidməti məlumat yayıb.

Gürcüstanın baş naziri İrakli Qaribaşvili Gürcüstanın Ermənistan Respublikasındakı yeni fövqəladə və səlahiyyətli səfiri Giorgi Şarvaşidze ilə görüşüb. Baş nazir diplomatı yeni vəzifəyə təyin olunması münasibətilə təbrik edib və ona gələcək fəaliyyətində uğurlar arzulayıb.

Şarvaşidze 2016-2022-ci illərdə TDU-nun rektoru vəzifəsində çalışıb. O, bundan əvvəl Gürcüstanın Təhsil və Elm Nazirliyində, o cümlədən nazirin birinci müavini vəzifəsində çalışıb. Şarvaşidze pedaqoji elmlər namizədi, Avropa Akademiyasının həqiqi üzvüdür, “Brilliance” ordeni ilə təltif edilib. Bir sıra monoqrafiyaların və elmi məqalələrin müəllifidir.

Şarvaşidze mandatı 2021-ci ildə başa çatan Gürcüstanın Ermənistandakı səfiri postunda Giorgi Saqanelidzeni əvəz edib.

Emin

Xəbər xətti